1913 වසරේ සාහිත්‍ය වෙනුවෙන් වූ නොබෙල් ත්‍යාගය ලබා ගන්නා රවින්ද්‍රනාත් තාගෝරයන් ලෝක සාහිත්‍යට කළ මෙහෙවර අපමණය.ඔහුගේ කෘති අතර ලෝකයේම අවධානය හිමිකරගත්තේ "ගීතාංජලී" කාව්‍ය සංග්‍රහයයි. ඒ තුළ එතුමන් විසින් ගැබ් කොට ඇති දාර්ශනික චින්තාව සකලවිද වූ පෙරදිග දර්ශනයන්ගේ පෝෂණය වූවක් ලෙස හඳුනා ගත හැකිය. ආදරය,කරුණාව මෛත්‍රිය වැනි සංකල්පයන් සිය නිර්මාණ තුළින් ඔපවත් කිරීමට තාගෝරයන් ගනු ලබන ව්‍යායාමයේ ප්‍රශස්ත අවස්ථාව ලෙස එතුමන් "ගීතාංජලී" ලෝකයට ඔසවා තබයි. වංග බසින් රචිත මෙම කෘතිය සිංහල අනුවාදයට රැගෙන එන්නේ කුසුම් දිසානායක මහත්මියයි.ඇයගේ අනුවාදිත ශෛලිය මනරම් භාෂාවකින් යුතු නිසාවෙන්ම ආයාසයකින් තොරව ග්‍රහණය කර ගත හැකිය. ඇය පවසන ආකාරයට ප්‍රථම මුද්‍රණයේ පෙරවදනේ ඇය මෙසේ දක්වයි " ස්වභාව ධර්මයේ සුන්දරත්වය හා පරිපුර්ණත්වය යදින මනුෂ්‍යත්වයේ වේදනාබර සුසුම් මාලාව, මා හදවතට වඩාත්ම සමීප කළේ තගොර්තුමගේ කෘතියයි.
මා නම දරනා
පුහුදුන් මිනිසා
මේ සිරගේ තුළ
වැලපෙනවා
ඔහු වටකර
මේ පවුරු බැඳීමට
සදාකල්ම මා
වෙහෙසෙනවා
අහස බලාගෙන
දිනයෙන් දිනයට
මහා පවුරක්
ගොඩ නැංවෙනවා
එහි සෙවණැලි යට
මගේ නියම රුව
මා නෙත් දසුනෙන්
සැඟවෙනවා
උපුටා ගැනීම - ගීතාංජලී ( කුසුම් දිසානායක අනුවාදය)
තාගෝරයන් මහත්මා ගාන්ධි සමග
No comments:
Post a Comment