1860 කාල වකවානුවේ Ku Klux Klan යන කණ්ඩායමේ ආරම්භය සිදු වෙයි. ඇමරිකාවේ දකුණු දිග ප්‍රදේශයන්හි නිර්මාණය වෙමින් තිබූ කළු ඇමරිකානුවන්ගේ බලය හීන කිරීමේ අරමුණින් එකල අතිශය හිංසාකාරී ක්‍රම ඔස්සේ Ku Klux Klan සිය බලය ව්‍යාප්ත කරන ලදී. 1900 දශකයට එන විට මිලියන පහකට වැඩි පිරිස් බලයක් ඔවුන් සතු විය. මොවුන් අතරින් බහුතරය ජර්මන්, අයිරිෂ් සහ බ්‍රිතාන්‍ය සම්භවයක් සහිත සුදු ඇමරිකානුවන් විය. ඇමරිකානු වර්ගවාදී සටනේ උච්ජතම අවස්ථාවකට පැමිණි 1960 සහ 1970 යන දශක වෙද්දී Ku Klux Klanහී පිරිස් බලය පෙර තිබූ තරම් නොමැති වූවද ඔවුන් ප්‍රචණ්ඩත්වය වැපිරීය. කළු ජාතික ශ්‍රේෂ්ට නායකයෙකු වූ මාර්ටින් ලූතර් කිං ඝාතනය පසු පස සිටියේද මෙම Ku Klux Klan කණ්ඩායමයි.
ඇමරිකානු සිවිල් සමාජය ක්‍රම ක්‍රමයෙන් දැනුවත් භාවය ලබත්ම මෙම කණ්ඩායමෙහි ක්‍රියාකාරිත්වය අවම වූ නමුත් වර්තමානයේ ඇමරිකාවට බලපා ඇති සංක්‍රමණ ගැටළු හේතුවෙන් නැවතත් මෙහි වර්ධනයක් ඇති බව දේශපාලන විචාරකයන් පවසයි. කෙසේ වෙතත් Ku Klux Klan යනු ඇමරිකාවේ මුල් උරුමකරුවන් නොවේ. යුරෝපා ජාතින් ඇමරිකාව ආක්‍රමණය කිරීමටත් පෙර එහි විසූ රතු ඉන්දියානු ස්වදේශිකයන් සැබෑ උරුමක්කාරයන් වන විට සුදු ජාතික Ku Klux Klan යනු තවත් එක් සංක්‍රමණික කොට්ටාසයක් පමණි.
No comments:
Post a Comment